අසීමිත ප්‍රේමයක්

අවංක ආදරයක් මිනිස් සමාජයේ දැන් කාලේ හොයාගන්න ඇත්තටම අමාරුයි. මේ කතාව බලු මිනිස් හිතවත්කමක් ගැන...... මේ වගේ මනස්කාන්ත සිදුවීම් තමයි හැමදාමත්  මේ ලෝකය වර්ණවත් කළේ…. ලස්සන තැනක් කාලේ.

මේ කතාව වාර්තා වෙන්නේ ඇමෙරිකාවේ විස්කොන්සින් (Wisconsin) නගරයෙන්. ජෝන් අන්ගර් (John Unger) කියන පුද්ගලයා සහ ඔහුගේ සුරතල් සුනඛයා ශ්රුප් (Schreep) තමයි කතාවේ චරිත දෙක. මිට වර්ෂ 19 කට කලින් ජෝන් තම පෙම්වතිය සමග ගොඩක් ආදරෙන් බැදිලා හිටියා. මේ කාලේදී දෙන්න පුංචි බලු යාළුවෙක් හදාගන්න තීරණය කළේ. මාස 8ක විතර සුරතල් බලු පැන්චෙක් මේ දෙන්නට හම්බ වුණා. ඊට පස්සේ  එයාට නම තිබ්බ "ශ්රුප්" කියලා. "ශ්රුප්" කියන්නේ විස්කොන්සින් නගරයේ ප්‍රසිද්ධ අයිස්ක්‍රීම් සහ පැණි රස වෙළද නාමයක්. මේ දෙන්නාගේ ආදරයේ සංකේතය වුනේ ශ්රුප්. මෙහෙම කාලයක් ගත වුණා. හරියටම අවුරුදු 10කට පස්සේ ජෝන් සහ ජෝන්ගේ සහකාරිය වෙන් වෙන්න තීරණය කළා. මේ තීරණය නිසා ජෝන් ගොඩක් කණස්සල්ලට පත්වුණා. ජෝන් කියන විදිහට එය වේදනා සහගත මොහොතක්. මේ කණස්සල්ල නිසාම ජෝන්ට සිය දිවි හානි කරගන්නත් සිතී තිබෙනවා. මේ සියලු වේදනාත්මක දේවල් වෙනකොට තමන්ට හෙවනැල්ල වගේ හිටියේ එකම කෙනයි. ඒ තමා "ශ්රුප්". තමන්ගේ දුක බෙදාගෙන නිතරම තමන් ළග දැවටෙමින් ශ්රුප් තම ආදරණිය ස්වාමියා ලගින්ම හිටියා. ඒ ආදරය තම සහකාරියගේ ආදරේ පරයා යන මට්ටමට තිබුණා. මේ නිසා තමයි අද මම ජිවත් වෙන්නේ කියලා ජෝන් පවසනවා.

“දැන් ශ්රුප් ට වයස 19 ක්. එයට වයසයි. අසනීප ගතියෙන් තමයි ඉන්නේ.  එයාට හන්දි අමාරුව වගේම ආතරයිටිස් තත්වයකින් පීඩා විදිනවා. මේ තත්වයත් එක්ක ශරීරයේ බර දරන්න අමාරුයි. එහෙම වෙද්දී දෙපාවලට දැඩි වේදනාවක් දැනෙනවා. සාමානයෙන් මිනිසුන්ට වුනත් වයිද්යවරු  නිර්දේශ කරනවා. ජලයේ සිටීමෙන් ශරීරයේ බර දැනෙන ප්‍රමාණය අඩුවන බව” ජෝන් පවසනවා. 

තම සෙවනැල්ල මෙන් සිටි මිතුරාට කාලගුණ සලකන්න ජෝන් ඔහුව රැගෙන සුපිරියර් (Superior) විලට යනවා. ශ්රුප්ව තම සිරුර මත තබා ගනිමින් ඔහු ජලය මත බැසගෙන සිටිනවා. තම සිරුරේ බර නොදැනීම නිසා වේදනාව අඩු වී සුනඛ මිතුරා ජෝන්ගේ ශරීරය මතම නිදා ගන්නවා. සමහර වෙලාවට මේ ආකාරයෙන් පැය ගණනක් ජෝන් සිටිනවා. මේ සුන්දර අවස්ථාව ජයාරූප ගතකලේ ජෝන්ගේ මිතුරියක් වන හානා ස්ටෝන්නවුස් හඩ්සන් (Hannah Stonehouse Hudson) විසින්. ඇය ජයාරූප ශිල්පිනියක්. 

මෙම ජයරුපයෙන් අවංක ආදරය,කාරුණික බව මිනිසෙකු සහ සුනඛයා අතර ඇති විශිෂ්ට සබදතාව මානව පැහැදිලි වන බවටයි හානා ප්‍රකාශ කලේ. ලොව පුර මිලියන ගණනක් දෙනා එය නරබා ඊට තම ප්‍රතිචාර ද දක්වා තිබුණා. ලොව පුර ජනතාවගේ හදවත් කම්පා කළ කදුලකින් නෙත තෙමුණු දසුනක් බවටයි මෙය පත්වුණේ. තමන්ට එදා සවිය ගෙන දුන් මේ පාද හතරේ මිතුරාට කලගුණ දක්වන්න ජෝන් කළ මේ සද්ක්‍රියව මිනිස්කමේ සැබෑ පෙනුමද ලෝකයටම අභිමානයෙන් එළිදරව් කරනවා.